Prima « Currilingua » : centutrenta participanti à prò di a lingua corsa
Particulari, associ, eletti, zitelli, ghjovani, maiò ghjunti da tutti i lochi di l’isula, anu participatu, dumenica scorsa à a prima « currilingua » urganizata da u cullettivu « Parlemu Corsu ». Una riesciuta maiò…
Prima « Currilingua » : centutrenta participanti à prò di a lingua corsa
Particulari, associ, eletti, zitelli, ghjovani, maiò ghjunti da tutti i lochi di l’isula, anu participatu, dumenica scorsa à a prima « currilingua » urganizata da u cullettivu « Parlemu Corsu ». Una riesciuta maiò…
Sò sette ore è mezu, in issu quattru di lugliu, quand’è u primu participante parte da u Borgu cù u so « testimoniu » in legnu (scrittu currilingua ) in manu. Di fattu, sò ghjunti da tutti i lochi di Corsica per participà à a prima edizione d’issa corsa. Novanta chilometri per i novanta pieve di tempi fà, un cuncettu chì esiste in altrò è chè u Cullettivu « Parlemu Corsu » hà vulsutu aduprà à modu soiu. « À dilla franca, spiega Micheli Leccia, capimachja di l’associu, ùn aghju nè manghjatu, nè durmitu u ghjornu nanzi, ci vulia à appruntà tuttu è m’hà datu assai pinseri. Ma semi cuntenti, tuttu s’hè passatu propiu bè. »
Da Bastia à Bunifaziu
Per una prima corsa, i participanti eranu abbastanza numerosi (più di centutrenta) à corre da u Borgu sin’ à a Sulinzara ind’una ambianza assai piacevule (viturre chì trumbittava, motò, urganizatori, risate, ritratti…). È malgratu un trafficu maiò in certi lochi, nimu ùn s’hè lagnatu…
I participanti sò ghjunti da tutte e regione di l’isula : Capicorsu, Sartinese, Aiacciu, Taravu, Castagniccia, Purtivechjacciu…). Certi sò cullati da u Pumonte sin’à Casamozza per fà un chilometru di corsu è vultà (trè ore di strada per corre un chilometru, ci ne vulia stintu!)
Frà issa ghjente cù a maglietta bianca scritta « Currilingua » davanti è « Parlemu corsu » daretu, ghjuvanotte cum’è Lelia (quattordeci anni) ghjunta à corre in famiglia (amiche, cugine è parenti) : « Aghju vulsutu fà issa demarchja di corre per a nostra lingua per fà ch’ella campi, simu tutti cuntenti d’avè participatu... »
Appena più luntanu, Micheli Leccia, chì sorte, di tantu in tantu à da una manu à quellu chì corre... «Tuttu si passa propiu bè, ci campemu. Hè un successu maiò chì l’aghjenti sò ghjunti numarosi, ùn manca nimu nantu à tuttu u parcorsu, ogni chilometru, ci hè omancu una parsona è in parechji lochi, gruppu di parsoni. »
Da a Giraglia à Capu Pertusatu in u 2022 ?
Nantu à u percorsu, a ghjente ghjunghje à aspettà è dinò incuragisce quelli chì correnu. Frà i participanti, eletti cum’è u senatore Paulu Santu Pariggi, ghjuntu à corre cù a so figliola, Cristofanu Mondoloni, chì riprisenta tutti i paesi di a CAPA è d’altri...Ci sò prufessori di scola, membri d’associ culturali, sculari, studienti, zitelli cù i so parenti…
Versu sette ore è mezu, l’ultima maglietta bianca ghjunghje in a Sulinzara. È dopu à un discorsu fattu per ringrazià tutti iss’attori, Micheli Leccia si rende contu chè a so idea hè andata aldilà di ciò ch’ellu pinsava. « Fora di i participanti ch’erani più di centutrenta, ci voli à cuntà à quiddi ch’erani ghjunti à purtà li una mani (bandaroli, sustegnu). L’aghjenti ani corsu cù i so culori, vali à dì cummerciu, associu pà muscià ch’erani fieri di fà issa corsa. In certi loca, ci erani ghjenti ch’ùn erani micca privisti...Hè stata veramenti un mumentu di spartera è di gioia à prò di a lingua corsa. Tengu à ringrazià à tuttu u mondu par u so impegnu... »
A prima edizione hè stata un successu tamantu. Senza piglià u tempu di rinfiatà, Micheli Leccia pensa dighjà à un altru annu. « Forsi da a Giraglia à Bunifaziu ma passendu par i chjassi duganneri. »
L’occasione, torna una volta, è forse cù parechje corse dedicate à ghjente più o menu capace (percorsi più longhi, marchje…) di fà a prumuzione di a lingua corsa. Atti cuncreti... Senza dumandà nulla à nimu.
Ph.P.
Particulari, associ, eletti, zitelli, ghjovani, maiò ghjunti da tutti i lochi di l’isula, anu participatu, dumenica scorsa à a prima « currilingua » urganizata da u cullettivu « Parlemu Corsu ». Una riesciuta maiò…
Sò sette ore è mezu, in issu quattru di lugliu, quand’è u primu participante parte da u Borgu cù u so « testimoniu » in legnu (scrittu currilingua ) in manu. Di fattu, sò ghjunti da tutti i lochi di Corsica per participà à a prima edizione d’issa corsa. Novanta chilometri per i novanta pieve di tempi fà, un cuncettu chì esiste in altrò è chè u Cullettivu « Parlemu Corsu » hà vulsutu aduprà à modu soiu. « À dilla franca, spiega Micheli Leccia, capimachja di l’associu, ùn aghju nè manghjatu, nè durmitu u ghjornu nanzi, ci vulia à appruntà tuttu è m’hà datu assai pinseri. Ma semi cuntenti, tuttu s’hè passatu propiu bè. »
Da Bastia à Bunifaziu
Per una prima corsa, i participanti eranu abbastanza numerosi (più di centutrenta) à corre da u Borgu sin’ à a Sulinzara ind’una ambianza assai piacevule (viturre chì trumbittava, motò, urganizatori, risate, ritratti…). È malgratu un trafficu maiò in certi lochi, nimu ùn s’hè lagnatu…
I participanti sò ghjunti da tutte e regione di l’isula : Capicorsu, Sartinese, Aiacciu, Taravu, Castagniccia, Purtivechjacciu…). Certi sò cullati da u Pumonte sin’à Casamozza per fà un chilometru di corsu è vultà (trè ore di strada per corre un chilometru, ci ne vulia stintu!)
Frà issa ghjente cù a maglietta bianca scritta « Currilingua » davanti è « Parlemu corsu » daretu, ghjuvanotte cum’è Lelia (quattordeci anni) ghjunta à corre in famiglia (amiche, cugine è parenti) : « Aghju vulsutu fà issa demarchja di corre per a nostra lingua per fà ch’ella campi, simu tutti cuntenti d’avè participatu... »
Appena più luntanu, Micheli Leccia, chì sorte, di tantu in tantu à da una manu à quellu chì corre... «Tuttu si passa propiu bè, ci campemu. Hè un successu maiò chì l’aghjenti sò ghjunti numarosi, ùn manca nimu nantu à tuttu u parcorsu, ogni chilometru, ci hè omancu una parsona è in parechji lochi, gruppu di parsoni. »
Da a Giraglia à Capu Pertusatu in u 2022 ?
Nantu à u percorsu, a ghjente ghjunghje à aspettà è dinò incuragisce quelli chì correnu. Frà i participanti, eletti cum’è u senatore Paulu Santu Pariggi, ghjuntu à corre cù a so figliola, Cristofanu Mondoloni, chì riprisenta tutti i paesi di a CAPA è d’altri...Ci sò prufessori di scola, membri d’associ culturali, sculari, studienti, zitelli cù i so parenti…
Versu sette ore è mezu, l’ultima maglietta bianca ghjunghje in a Sulinzara. È dopu à un discorsu fattu per ringrazià tutti iss’attori, Micheli Leccia si rende contu chè a so idea hè andata aldilà di ciò ch’ellu pinsava. « Fora di i participanti ch’erani più di centutrenta, ci voli à cuntà à quiddi ch’erani ghjunti à purtà li una mani (bandaroli, sustegnu). L’aghjenti ani corsu cù i so culori, vali à dì cummerciu, associu pà muscià ch’erani fieri di fà issa corsa. In certi loca, ci erani ghjenti ch’ùn erani micca privisti...Hè stata veramenti un mumentu di spartera è di gioia à prò di a lingua corsa. Tengu à ringrazià à tuttu u mondu par u so impegnu... »
A prima edizione hè stata un successu tamantu. Senza piglià u tempu di rinfiatà, Micheli Leccia pensa dighjà à un altru annu. « Forsi da a Giraglia à Bunifaziu ma passendu par i chjassi duganneri. »
L’occasione, torna una volta, è forse cù parechje corse dedicate à ghjente più o menu capace (percorsi più longhi, marchje…) di fà a prumuzione di a lingua corsa. Atti cuncreti... Senza dumandà nulla à nimu.
Ph.P.
