I Voce di a Gravona : nantu à u filu di l'ottanta
Nata qualchì annu fà, issa squadra, a terza di u gruppu miticu di u rughjone di a Gravona hà fattu a scelta di esce u so primu discu.
I Voci di a Gravona : nantu à u filu di l’ottanta
Nata qualchì annu fà, issa squadra, a terza di u gruppu miticu di u rughjone di a Gravona hà fattu a scelta di esce u so primu discu. Senza titulu, una vulintà di i so membri, si cumpone di quattordeci canzone cù un sonu chì ci ramenta l’epica di u riacquistu…
S’è i membri ùn sò più li stessi, a squadra di i Voci di a Gravona, vole mantenesi nantu à u filu di prima, quellu di Ghjuvan Micheli Fortuné, Larenzu Molini, i fratelli Weber, Dumè Barazza, Larenzu Mondoloni, ecc...Di fattu, u gruppu avia cunniscutu un altra epica in l’anni novanta, sta volta. Tandu ci era Antone Tramini, Benedettu Rusterucci, Antone Paoletti, Carminu Belgodere...Ma dapoi guasgi vinti anni, più nulla. I Voci di a Gravona facia parte di u passatu.
Qualchì annu fà, Robert Micaelli, David Satgia, Jean-Do Aufray, tutti di ceppu gravunincu anu l’idea di fà un gruppu. « Eramu in cuntattu cù un anzianu di a squadra, spiega u primu chì d’altronde u presidente di l’associu, una volta assicuratu ch’è noi t’aviamu una squadra seria, hà cuntattatu d’altri anziani è ci anu datu u so accordu per tene u listessu nome... »
È ghjè cusì, in u 2015, ch’ella riparte a squadra. A terza sta volta ma arrimbata, à tempu, nantu à un filu suciale per mantene è sviluppà una vita paisana. Prestu, prestu, a squadra piglia fiatu, d’altri più o menu cunnisciuti s’affaccanu. Frà elli, Battì Vallee, Paul Antò Tradii o Jo Franchi…
« Trà passione è miseria » dedicata à Diego Maradona
«Avemu avutu un prughjettu di dischettu, aghjusta u cantadore, è travagliatu in issu sensu quì. »
Fora di ripiglià u nome di e prime squadre, u gruppu si vole dinò arrembà nantu à u listessu filu musicale. « Una scelta persunale, precisa Jo Franchi, ritruvemu nantu à certe canzone, un sonu chì hè sparitu dapoi parechji anni. Ci hè, à tempu, u filu melodicu di gruppi cum’è i Chjami Aghjelesi è ancu appena di ritimu d’America Suttana. »
Sò parechji, dinò à scrive è cumpone nantu à issu dischettu. Senza titulu. « Torna a vulintà di fà u più simplice pussibule… Per ciò chì tocca à i scritti, tuttu u mondu o guasgi, porta a so petra. »
Si ritrovanu quantunque dui scritti d’Antone Tramini (Alba Corsa è Scuppiccia, più anzianu) è dinò una vechja puesia di Paulu Zarzelli ch’era in i tiretti (l’Acula).
« Antone Vicinati (Eroi), Marie Jeanne- Ferrandi (U to nomu solu chì hè dedicatu à Natale Luciani), Francescu Guerrini (Atacama) è G.C. Castelli (Isulacciu di Fiumorbu) chì ci anu datu un testu. »
Jo Franchi hà cumpostu è accunciatu a maiò parte di e musiche…
I scritti trattanu di tutte e tematiche chì ponu tuccà a sucetà corsa : u travagliu, i strazii, a storia, a puvertà senza sminticà una canzona dedicata à u primu gruppu di l’anni ottanta. « Quellu ci hà sulcatu u filu... ». È, di sicuru, un’uchjata à u famosu « Pibe de Oro », Diego Maradona sparitu di nuvembre scorsu cù a canzona « Trà Passione è miseria ». « Eru passiunatu di ballò è di issu ghjucadore quì, è quandu avemu fattu a canzona di ghjugnu 2020 era sempre vivu Tandu, èu cum’è a canzona era pronta quandu ellu hè sparitu, avemu decisu di fà la esce per rendeli umaggiu...»
U gruppu chì hè, à tempu, un associu culturale chì cerca à fà campà u mondu rurale serà in cuncertu durante l’estatina. L’occasione, d’Aiacciu à Baleone passendu per Auccià, di scopre una squadra chì hà vulsutu stà nantu à i chjassi di l’ottanta…
Ph.P.
I Voci di a Gravona :
Robert Micaelli (voce)
David Satgia (voce)
Paul Antoine Tradii (voce, pirula)
Gustave Tallarico (Voce)
François Battesti (percussione, batteria)
Emilie Cahuzac (viulinu)
Anthony Battesti (voce, ghitarra)
Battì Vallee (voce)
Romain Rubini (Voce)
Alain Cianfarani (ghitarra bassa)
Joseph Franchi (voce, ghitarra è strumenti à corde)
Jean-Do Aufray (voce)
Laurent Perez (voce)
Nata qualchì annu fà, issa squadra, a terza di u gruppu miticu di u rughjone di a Gravona hà fattu a scelta di esce u so primu discu. Senza titulu, una vulintà di i so membri, si cumpone di quattordeci canzone cù un sonu chì ci ramenta l’epica di u riacquistu…
S’è i membri ùn sò più li stessi, a squadra di i Voci di a Gravona, vole mantenesi nantu à u filu di prima, quellu di Ghjuvan Micheli Fortuné, Larenzu Molini, i fratelli Weber, Dumè Barazza, Larenzu Mondoloni, ecc...Di fattu, u gruppu avia cunniscutu un altra epica in l’anni novanta, sta volta. Tandu ci era Antone Tramini, Benedettu Rusterucci, Antone Paoletti, Carminu Belgodere...Ma dapoi guasgi vinti anni, più nulla. I Voci di a Gravona facia parte di u passatu.
Qualchì annu fà, Robert Micaelli, David Satgia, Jean-Do Aufray, tutti di ceppu gravunincu anu l’idea di fà un gruppu. « Eramu in cuntattu cù un anzianu di a squadra, spiega u primu chì d’altronde u presidente di l’associu, una volta assicuratu ch’è noi t’aviamu una squadra seria, hà cuntattatu d’altri anziani è ci anu datu u so accordu per tene u listessu nome... »
È ghjè cusì, in u 2015, ch’ella riparte a squadra. A terza sta volta ma arrimbata, à tempu, nantu à un filu suciale per mantene è sviluppà una vita paisana. Prestu, prestu, a squadra piglia fiatu, d’altri più o menu cunnisciuti s’affaccanu. Frà elli, Battì Vallee, Paul Antò Tradii o Jo Franchi…
« Trà passione è miseria » dedicata à Diego Maradona
«Avemu avutu un prughjettu di dischettu, aghjusta u cantadore, è travagliatu in issu sensu quì. »
Fora di ripiglià u nome di e prime squadre, u gruppu si vole dinò arrembà nantu à u listessu filu musicale. « Una scelta persunale, precisa Jo Franchi, ritruvemu nantu à certe canzone, un sonu chì hè sparitu dapoi parechji anni. Ci hè, à tempu, u filu melodicu di gruppi cum’è i Chjami Aghjelesi è ancu appena di ritimu d’America Suttana. »
Sò parechji, dinò à scrive è cumpone nantu à issu dischettu. Senza titulu. « Torna a vulintà di fà u più simplice pussibule… Per ciò chì tocca à i scritti, tuttu u mondu o guasgi, porta a so petra. »
Si ritrovanu quantunque dui scritti d’Antone Tramini (Alba Corsa è Scuppiccia, più anzianu) è dinò una vechja puesia di Paulu Zarzelli ch’era in i tiretti (l’Acula).
« Antone Vicinati (Eroi), Marie Jeanne- Ferrandi (U to nomu solu chì hè dedicatu à Natale Luciani), Francescu Guerrini (Atacama) è G.C. Castelli (Isulacciu di Fiumorbu) chì ci anu datu un testu. »
Jo Franchi hà cumpostu è accunciatu a maiò parte di e musiche…
I scritti trattanu di tutte e tematiche chì ponu tuccà a sucetà corsa : u travagliu, i strazii, a storia, a puvertà senza sminticà una canzona dedicata à u primu gruppu di l’anni ottanta. « Quellu ci hà sulcatu u filu... ». È, di sicuru, un’uchjata à u famosu « Pibe de Oro », Diego Maradona sparitu di nuvembre scorsu cù a canzona « Trà Passione è miseria ». « Eru passiunatu di ballò è di issu ghjucadore quì, è quandu avemu fattu a canzona di ghjugnu 2020 era sempre vivu Tandu, èu cum’è a canzona era pronta quandu ellu hè sparitu, avemu decisu di fà la esce per rendeli umaggiu...»
U gruppu chì hè, à tempu, un associu culturale chì cerca à fà campà u mondu rurale serà in cuncertu durante l’estatina. L’occasione, d’Aiacciu à Baleone passendu per Auccià, di scopre una squadra chì hà vulsutu stà nantu à i chjassi di l’ottanta…
Ph.P.
I Voci di a Gravona :
Robert Micaelli (voce)
David Satgia (voce)
Paul Antoine Tradii (voce, pirula)
Gustave Tallarico (Voce)
François Battesti (percussione, batteria)
Emilie Cahuzac (viulinu)
Anthony Battesti (voce, ghitarra)
Battì Vallee (voce)
Romain Rubini (Voce)
Alain Cianfarani (ghitarra bassa)
Joseph Franchi (voce, ghitarra è strumenti à corde)
Jean-Do Aufray (voce)
Laurent Perez (voce)
