Sfidà i marosuli, a passione di Stefanu Bartolomei
Stefanu Bartolomei hà duie passione: a lingua corsa è u surf
Sfidà i marosuli, a passione di Stefanu Bartolomei
Di ceppu capicursinu è à tempu talavese, Stefanu Bartolomei hà duie passione : a lingua corsa è u surf. Scuntremu un persunaghju particulare chì hà fattu di issi dui aspetti u so modu di campà…
Sculliscià à nantu à i marosuli cù una tavula di surf, un’attività particulare chì si sviluppa in tutti i lochi vicinu à u mare è ancu in u Mediterraneu. Ma ci hè bisognu, ghjustappuntu di marosuli maiò è di u ventu. Trà Aiacciu, Saone, Pinarellu, Bunifaziu, Figari è u Valincu, e strutture ùn mancanu micca, ne mancu i passiunati ma force un inseme per gestisce tuttu.
« Una pratica individuale ma un spiritu cumunu »
In Aiacciu, u surf si praticheghja dapoi anni è anni. Frà i più passiunati, Stefanu Bartolomei, chì hà principiatu l’attività è l’età di tredeci anni. « Prima cù u body-board, spiega l’omu, è dopu u free-surf è u surf. »
Un’attività chì l’hà permessu di parte à u Stranieru, in paesi monda rinumati da i specialisti : Australia, Balì, Isula « Maurice », Purtugallu, Paese Bascu…
A Corsica ? « Ci sò cundizione favurevule, ripiglia u surfer, masimu s’ella ci hè a meteurulugia. Ind’è noi, pudemu cuntà nantu à centucinquanta ghjorni à l’annu di pratica, sopratuttu l’invernu è u vaghjime….U surf hè una pratica individuale ma u spiritu hè cumunu. Di fattu ci hè un estru particulare. D’una manera tecnica, circhemu l’onda è surtimu a mane à bon’ora è à l’attrachjata. Più ch’un’attività spurtiva, hè un modu di campà chì hè, oghje, demucratizatu. Ùn ci vole micca pinsà ch’ellu hè solu dedicatu à una categuria. Pò tuccà i ghjovani o ghjenti più anziani. »
Tramandà a lingua corsa
Una passione spertuta cù quella di a lingua corsa arrimbata à e so radiche. « Babbu di ceppu capicursinu (Canari) è mamma talavese (di a piaghja di Serra di Ferru...Ma, à dilla franca, adupreghju piuttostu a parlata d’insù. »
Dopu à una licenza ottenuta à l’Università di Corsica in u 2003 è u Capes qualchì annu dopu, insegna sopratuttu in Aiacciu è u circondu : Purtichju, San Paulu, Liceu Jules Antonini è altrò. Cù sempre a listessa passione di tramandà.
« Hè impurtante d’esse arridicatu à a nostra terra ma, à tempu, qualcosa di naturale di tramandà... »
Buttega (Sunset ): l’universu di i sporti stremi di u sculliscià
Dapoi deci anni, Stefanu Bartolomei è a so moglia Marlène, anu apertu una buttega « Sunset » (l’attrachjata in inglese). Prima in a galleria Napuliò è dopu qu’ella hè chjosa, stretta Sebastiani. « Un carrughju storicu induve ci era a buttega a più anziana dedicata à u surf a. Hè u locu di tutti quelli chì praticheghjanu l’attività liata à u sculiscià, mare o muntagna, ci hè una cumunità di surf in Aiacciu, li piace à truvà quì e nuvità :tenute, materiale per andà à praticà surf, body-board, skim-board, kite-surf (sculliscià è vela), stand-paddle, ci hè dinò u sculliscià urbanu (skate-board o altri per fà fisiche) è tuttu u materiale liatu à i sporti di u sculiscià : tavule di surf, tenute, magliette, calzunetti (acqua), scarpi, barette diverse (urbanu. L’universu di i sporti stremi... »
S’è a ghjente ghjunghje numerosa à cumprà u so materiale, i turisti è masimu quelli avvezzi à isse pratiche speciale ne cunnoscenu l’indirizzu. « Avemu clienti di ghjunghjenu d’Australia, Germania è d’altrò... D’estate, cercanu piuttostu i vestisti ma dinò qualchì tavula di surf... »
U surf, una pratica ch’ùn risicheghja micca di sparisce. L’occasione, per Stefanu, d’andà à sfidà i marosuli…
Ph.P.
Buttega Sunset (surfshop)
4, rue Sebastiani, 20000 Ajaccio
tel : 04-95-77-03-38
Di ceppu capicursinu è à tempu talavese, Stefanu Bartolomei hà duie passione : a lingua corsa è u surf. Scuntremu un persunaghju particulare chì hà fattu di issi dui aspetti u so modu di campà…
Sculliscià à nantu à i marosuli cù una tavula di surf, un’attività particulare chì si sviluppa in tutti i lochi vicinu à u mare è ancu in u Mediterraneu. Ma ci hè bisognu, ghjustappuntu di marosuli maiò è di u ventu. Trà Aiacciu, Saone, Pinarellu, Bunifaziu, Figari è u Valincu, e strutture ùn mancanu micca, ne mancu i passiunati ma force un inseme per gestisce tuttu.
« Una pratica individuale ma un spiritu cumunu »
In Aiacciu, u surf si praticheghja dapoi anni è anni. Frà i più passiunati, Stefanu Bartolomei, chì hà principiatu l’attività è l’età di tredeci anni. « Prima cù u body-board, spiega l’omu, è dopu u free-surf è u surf. »
Un’attività chì l’hà permessu di parte à u Stranieru, in paesi monda rinumati da i specialisti : Australia, Balì, Isula « Maurice », Purtugallu, Paese Bascu…
A Corsica ? « Ci sò cundizione favurevule, ripiglia u surfer, masimu s’ella ci hè a meteurulugia. Ind’è noi, pudemu cuntà nantu à centucinquanta ghjorni à l’annu di pratica, sopratuttu l’invernu è u vaghjime….U surf hè una pratica individuale ma u spiritu hè cumunu. Di fattu ci hè un estru particulare. D’una manera tecnica, circhemu l’onda è surtimu a mane à bon’ora è à l’attrachjata. Più ch’un’attività spurtiva, hè un modu di campà chì hè, oghje, demucratizatu. Ùn ci vole micca pinsà ch’ellu hè solu dedicatu à una categuria. Pò tuccà i ghjovani o ghjenti più anziani. »
Tramandà a lingua corsa
Una passione spertuta cù quella di a lingua corsa arrimbata à e so radiche. « Babbu di ceppu capicursinu (Canari) è mamma talavese (di a piaghja di Serra di Ferru...Ma, à dilla franca, adupreghju piuttostu a parlata d’insù. »
Dopu à una licenza ottenuta à l’Università di Corsica in u 2003 è u Capes qualchì annu dopu, insegna sopratuttu in Aiacciu è u circondu : Purtichju, San Paulu, Liceu Jules Antonini è altrò. Cù sempre a listessa passione di tramandà.
« Hè impurtante d’esse arridicatu à a nostra terra ma, à tempu, qualcosa di naturale di tramandà... »
Buttega (Sunset ): l’universu di i sporti stremi di u sculliscià
Dapoi deci anni, Stefanu Bartolomei è a so moglia Marlène, anu apertu una buttega « Sunset » (l’attrachjata in inglese). Prima in a galleria Napuliò è dopu qu’ella hè chjosa, stretta Sebastiani. « Un carrughju storicu induve ci era a buttega a più anziana dedicata à u surf a. Hè u locu di tutti quelli chì praticheghjanu l’attività liata à u sculiscià, mare o muntagna, ci hè una cumunità di surf in Aiacciu, li piace à truvà quì e nuvità :tenute, materiale per andà à praticà surf, body-board, skim-board, kite-surf (sculliscià è vela), stand-paddle, ci hè dinò u sculliscià urbanu (skate-board o altri per fà fisiche) è tuttu u materiale liatu à i sporti di u sculiscià : tavule di surf, tenute, magliette, calzunetti (acqua), scarpi, barette diverse (urbanu. L’universu di i sporti stremi... »
S’è a ghjente ghjunghje numerosa à cumprà u so materiale, i turisti è masimu quelli avvezzi à isse pratiche speciale ne cunnoscenu l’indirizzu. « Avemu clienti di ghjunghjenu d’Australia, Germania è d’altrò... D’estate, cercanu piuttostu i vestisti ma dinò qualchì tavula di surf... »
U surf, una pratica ch’ùn risicheghja micca di sparisce. L’occasione, per Stefanu, d’andà à sfidà i marosuli…
Ph.P.
Buttega Sunset (surfshop)
4, rue Sebastiani, 20000 Ajaccio
tel : 04-95-77-03-38
