Cultu di i morti in Corsica : trà fede religiosa è paganisimu

Cultu di i morti in Corsica : tràfedereligiosa è paganisimu

Tutti l’anni, à listessa epica, i Corsi vanu à fiurisce e tombe, festighjà i santi u primu di nuvembre è unurài so defunti u lindumane. Un ceremuniale liatu à unatradizione spirituale induve fede religiosa è paganisimu sò sculpite ind’ a nostra memoriacullettiva. Ciò chì ci dà una particularità…

Dapoi dighjà qualchì ghjornu, i Corsi cummencianu à andà in i campusanti à nettà è fiurisce i lochi di sepultura di i so defunti. Un ceremuniale chì sbocca, u primu di nuvembre, nantu à a festa di i Santi è u ghjornudopu, àl’umagiu resu à i morti. S’elle sò dapoi sempre, sculpite ind’ a nostra tradizione religiosa, ste ceremonieci rinvianu à credenze pupulare monda anziane è liate, quelle, à un paganisimu sculpitu inde l’incuscentecullettivu di i Corsi.

« Di fattu, spiega Tony Fogacci, antropologu è maestrudi cunferenze à l’università di Corsica, ci hè sempristatu dui mondi in parechji sucetà : u mondu di i vivi è u mondu di i morti. Ci hè, masimu in u periodu di i Santi, un « trà dui mondi » chì s’hè sviluppatu ind’è noi cù un rapportu abbastanza strettu trà rituali pagani o credenzi pupulari è a religioni, chì hè ghjunta più tardi. »

Si capiscerà dunque u sensu « spirituale » ch’è noipudemu dà à tutti iss’usi. Tanti è tanti rituali cum’èquellu di e bastelle-picculi pani cù zucche, arbette o civolla, mischiate cù u brocciu- cotte tempi fà in i fornidi i paesi in u Cruzzinu è i Dui Sorru, ciò chì ci face pinsà à a festa celtica d’Halloween induve e maschere di streghe, i schenetri o altri, ci portanu in credenze di tempi fà chè i morti vultavanu è ci vulia à lascià li qualcosa à manghjà. D’altre tradizione esistenu sempre cum’è u pane di i morti, u pranzu-ripastu di i morti- o ancu a salviata in u nordu di l’isula.



U crisantemu : u fiori di i morti

U fattu di fiurisce e sepulture entre, ellu, ind’ una leiastretta cù i defunti. Issa tradizione ci faria ricullà à a fine di a prima guerra mundiale per esse generalizata. Di nuvembre u 1919, a chjama à fiurisce e sepulture di u suldati cascati à u fronte marca un mumentu maiò. Ci vulia, prima, rendeli umaggiu. « À dilla franca, spiegaun anzianu fiuraghju, tempi fà, magazeni di fiori, ùn ci n’era. A ghjente mettia fiori ch’ell’avianu sopra piazza ma sopratuttu candelle. » Eppo, tempi fà-forse in l’annicinquanta- hè ghjuntu, ind’è noi, un fiore specificu : u crisantemu, chjamatu « fiore di i morti ». Un fiore chì si sviluppa di vaghjime uriginariu d’Asia assai resistente è chì s’hè spartu à partesi di u vintesimu seculu è per e soqualità. Ma in Corsica, « U fiore d’oru »-nome datu in Asia- hè divintatu un elemente maiò à l’epica di i Santi, liatu, ind’è noi, à l’eternità è micca un simbolu liatusolu à a morte cum’è altrò. « Altra particularità, aghjusta Tony Fogacci, « u numaru di candelli. Devi essa sparu osinnò u ciculu cuntinueghja. »



L’incinerazione : una rumpitura cù un usu anticu

Altra tradizzione-chì si perde quantunque- quelli di « A squadra d’Arrozza »-una prucessiò di morti chìghjunghje a sera di u primu di nuvembre s’è un ritualeùn hè messu in piazza quand’ellu piove-mette acqua davanti à finestra-. Tutti sti rituali mostranu chèpaganisimu è religione viaghjanu manu in manu dapoisempre. D’altronde, issa leia cù i morti marca unarumpitura cù l’incinerazione. Fiurisce, nittà, accendecandelle o pregà d’una manera generale mantene un raportu cù u defuntu. Un raportu ch’ùn esiste più cùl’incinerazione. Un inseme chì c’invita à una riflessioneintornu à a manera di campà adattata à u mondu d’oghjema arrimbata nantu à usi antichi ch’ùn devenu sparisce.

F.P.
Crédit photo : Ph.P